Ata aquí chegou o curso 2017 - 2018 no C.E.I.P. Plurilingüe Nantes! E que mellor forma de celebralo que realizando xogos tradicionais! Para iso estivemos xogando durante esta última xornada de cole a saltar á corda, ás catro esquinas, ás bólas, ás chapas, ó trompo, ó tres en raia, á petanca, ó pano, á goma... Estivo xenial! Desexámosvos unhas moi boas vacacións. En setembro seguimos! A facer moito deporte durante o verán!
Este venres, día 18 de maio do 2018, os alumnos e as alumnas de Infantil e 1º e 2º de Primaria realizamos unha andaina ata Sanxenxo na compaña da Policía Local. Durante o percorrido, visitamos a Praza de Abastos onde vimos unha chea de alimentos frecos e saudables. Acabamos a xornada algo cansos e cansas de tanto andar pero foi moi divertido!